مظفرگڑھ۔20فروری (اے پی پی):وزیر اعلی پنجاب سردار عثمان بزدار نوٹس گھن تے دریائی کٹاو روکݨ کیتے سپر بند دی تعمیر دا رکیا ہویا کم ول شروع کراݙتے ،ممبر صوبائی اسمبلی حلقہ پی پی 269 مظفرگڑھ سردار اظہر عباس خان چانڈیہ دیاں کوششاں رنگ گھن آئن ایم پی اے سردار اظہر عباس خان دی نشاندہی تے مظفرگڑھ دی سب تحصیل رنگپور دے موضع براھم پور اچ دریائے چناب دا کٹاؤ روکم کیتے اہلیان علاقہ دے پرزور مطالبے تے تعمیر کیتے ونڄݨ آلے سپر بند تے گزریل ھک سال توں کم بند ہئی جیں دی وجہ توں علاقے آلیں 3،4 مہینے تئیں شروع تھیوݨ آلے سیلاب دے سیزن اچ متوقع ضیان توں پریشانی اتے ݙر اچ رہندے ہن ،یاد رہے جو موضع براہم پور اچ دریائی کٹاو دی وجہ توں ہݨ تئیں سینکڑاں ایکڑ زرخیز زمین تے مکان دریا برد تھی چکئن تے ہݨ سکول،ڈسپنسری،مسیتاں وی دریائی کٹاو دی زد تے ہن ،ایم پی اے سردار اظیر عباس چانڈیہ دی نشاندہی تے وزیر اعلی پنچاب سردار عثمان خان بزدار نوٹس گھندے ہوئیں وختی سپر بند دی تعمیردا ھک سال توں بند کم ول شروع کراݙتے ۔
