لاہور۔1مارچ (اے پی پی):وزیراعظم عمران خان اتحادی جماعت ق لیگ دی قیادت چوہدری برادران نال ملاقات کرتے چوہدری شجاعت حسین دی عیادت کیتی اے ۔ تفصیل موجب وزیراعظم عمران خان وفد دے رلے لاہور اچ چوہدری برادران دی رہائش گاہ پڄے تاں چوہدری پرویز الہی وفد دا استقبال کیتا ، وفد اچ وزیراعلیٰ پنجاب عثمان بزدار ، وفاقی وزیر اطلاعات و نشریات چوہدری فواد حسین ، وفاقی وزیر حماد اظہار تے وفاقی وزیر خسرو بختیار شامل ہن ۔ملاقات اچ چوہدری پرویزالٰہی، مونس الٰہی، شافع حسین، سالک حسین، رزاق داؤد، عامرڈوگر وی شریک ہن۔وزیراعظم عمران خان چوہدری شجاعت حسین دی خیریت پچھی تے موجودہ سیاسی صورتحال ڳالھ مہاڑ کیتی ڳئی اے ۔ایں موقع تے وزیراعظم آکھیے جو دعا کرینداں اللہ تساں صحتیابی عطا فرماوے جیں تے چوہدری شجاعت حسین وزیراعظم دا شکریہ ادا کیتا۔
