مسلم لیگ (ن) دی جنرل کونسل سابق وزیراعظم محمد نواز شریف کوں بلامقابلہ پارٹی صدر منتخب کرگھدا پارٹی رہنماواں ولوں نواز شریف دے 10 کاغذات نامزدگی جمع کروائے گن، انہاں دے مقابلے اچ کہیں امیدوار کاغذات نامزدگی جمع نی کروائے، چیئرمین الیکشن کمیٹی چوہدری جعفر اقبال

اسلام آباد ۔ 03 اکتوبر (اے پی پی) مسلم لیگ (ن) دی جنرل کونسل سابق وزیراعظم محمد نواز شریف کوں بلا مقابلہ پارٹی صدر منتخب کرگھدا ہے۔ اے انتخاب منگل کوں کنونشن سینٹر اچ مسلم لیگ (ن) دی جنرل کونسل دے اجلاس اچ عمل اچ آیا۔ ایں موقع تے الیکشن کمیٹی دے چیئرمین چوہدری جعفر اقبال اعلان کیتا جو مسلم لیگ (ن) دی مرکزی مجلس عاملہ ولوںقائم کیتی گی5 رکنی الیکشن کمیٹی دی زیر نگرانی انتخابی عمل سرانجام پاتا ہے۔ مسلم لیگ (ن) دے مرکزی تے صوبائی رہنماواں ولوں نواز شریف دے 10 کاغذات نامزدگی جمع کروائے گے جیں تے انہاں دے تجویز کنندگان اتے تائید کنندگان دے دستخط موجود ہن۔ نواز شریف دے مقابلے اچ کہیں امید وار پارٹی صدر دے عہدے سانگے کاغذات نامزدگی جمع نی کروائے ۔انہاں سابق وزیراعظم نواز شریف دے بطور پارٹی صدر کامیابی د ااعلان کتیا ۔ایں موقع تے وزیراعظم شاہد خاقان عباسی، وزیراعلیٰ پنجاب میاں شہباز شریف، پارٹی چیئرمین راجہ ظفر الحق، سابق وزیر داخلہ چوہدری نثار علی خان، وفاقی وزرائ، وزرائے مملکت، ارکان قومی اسمبلی اتے پورے ملک توں آئے ہوئے مسلم لیگ (ن) دے 1800 توں ودھ جنرل کونسل دے ارکان موجود ہن۔ پارٹی صدر منتخب تھیونڑ دے بعد کنونشن سینٹر ہال نعریں نال گج اٹھیا ۔