ملتان۔13جون (اے پی پی):سی پی او ملتان خرم شہزاد حیدر پاک ویسٹ انڈیزکرکٹ سیریز دے دوران سیکیورٹی تے ٹریفک دے بہترین انتظامات تے پولیس تے ٻئے قانون نافذ کرݨ آلے اداریں کوں شاباش ݙیندے ہوئیں آکھیے جو مجموعی اقدامات دے دوران شہریاں نال انہاں دے مثبت رویئے، ورتاؤ اتے رہنمائی توں ناصرف عوام دا پولیس تے اعتماد بحال تھئے بلکہ ایں عمل پولیس تے عوام وچال دوستانہ ماحول دی اہمیت کوں وی اجاگر کیتے ، اے ڳالھ سی پی او ملتان کرکٹ اسٹیڈیم اچ پاکستان تےویسٹ انڈیز وچال کھیݙی ونڄݨ آلی کرکٹ سیریز دے دوران ڈیوٹی کرݨ آلے سارے پولیس افسران و نینگراں کوں خراج تحسین پیش کریندے ہوئیں آکھی اے ، انہاں مزید آکھیے جو سیکیورٹی دے بہترین انتظامات کرݨ اچ سارے ضلعیں توں آوݨ آلے پولیس افسران و نینگر ، ڈسٹرکٹ پولیس، ایلیٹ فورس، ڈولفن فورس، محافظ اسکواڈ، ٹریفک پولیس، سپیشل برانچ، پاک فوج، رینجرز تے ٻئے قانون نافذ کرݨ آلے اداریں، پولیس لائنز و دفتر عملہ، ضلعی انتظامیہ تے سارے ٻئے محکمے دے افسران و ملازمین چنڳاں کردار نبھائے ۔
