راجن پور۔6ستمبر (اے پی پی) وزیر بلدیات پنجاب میاں محمود الرشید دا چھل متاثرین علاقیاں دا دورہ کیتا جتھاں ایم پی اے سردار احمد علی خان دریشک وی انہاں دے نال ہن۔ صوبائی وزیر چھل متاثرین اچ کھاوݨ پیوݨ دی شہیں، گیس دے چلھے اتے ٻیا امدادی سامان تقسیم کیتا۔ انہاں ڈی جی خان دے نیڑے دی وستیاں اچ وںج تے چھل متاثرین نال ملاقات کیتی اتے انہاں دے مسئلیاں بارے پچھیا۔ بعد اچ خطاب کریندیں ہوئیں انہاں آکھیا جو چیئرمین تحریک انصاف عمران خان میݙی خصوصی ڈیوٹی لاتی اے جو چھل متاثرہ علاقیاں دے خود دورے کراں اتے متاثرین دی مشکلاں دا تفصیلی جائزہ ڳھن تے انہاں دے ازالے کیتے ٹھوس اقدامات کیتے ونڄن۔ میاں محمود الرشید آکھیا جو متاثرین دے مکاناں دا سروے اڄ توں شروع تھیندا پئے اتے انشاء اللہ 15 ݙینھ اچ مکاناں دی تعمیر دا کم شروع تھی ویسی۔
