ملتان ۔9ستمبر(اے پی پی)ملتان اچ حلقہ این اے 157 تے ضمنی الیکشن ملتوی تھیوݨ دے معاملے تے الیکشن کمیشن دے فیصلے کوں انتخابی امیدوار علی موسی گیلانی لاہور ہائیکورٹ ملتان بنچ اچ چیلنج کر ݙتے۔ پی ڈی ایم اتے پیپلز پارٹی دے متفقہ امیدوار علی موسی گیلانی این اے 157 تے ضمنی الیکشن کوں ملتوی کرݨ دے الیکشن کمیشن دے فیصلے کوں چیلنج کریندے درخواست اچ آکھیے جو الیکشن کمیشن سیٹ خالی تھیوݨ دے 60 ݙینھ دے اندرو الیکشن کراوݨ دا پابند اے ٻھل 20 ستمبر کوں 60 ݙینھ پورے تھی ویسن۔ عدالت آکھیے جو ملتان اچ تاں کوئی سیلاب نئیں آیا، الیکشن کمیشن الیکشن ݙساوے جو ضمنی انتخابات ملتوی کرݨ دی کیا وجہ اے اتے ایں سانڳے 14 ستمبر تئیں تفصیلی رپورٹ جمع کرائی ونڄے۔
