ملتان۔13ستمبر (اے پی پی) جنوبی پنجاب دے چھل توں متاثرہ علاقیاں اچ پاݨی لہݨ دے بعد سماجی تنظیماں امداد دا کم تکھا کر ݙتے۔ سابق وزیراعلیٰ پنجاب عثمان بزدار دے آبائی حلقے تونسہ دےعلاقے ناڑی جنوبی اتے ناڑی شمالی اچ چھل وݙے پیمانے تے تباہی مچائی اے۔ اے علاقہ اٹھ ݙینھ تئیں پاݨی اچ بݙیا رہیا۔ چھل پاروں لوکاں دے مال مویشی لڑھ ڳئے اتے مکان ختم تھی ڳئے۔ معروف سماجی رہنما دلاورحسین اے پی پی کوں ݙسیا جو عوامی ورکرزپارٹی اتے وسیب دوست فورم ولوں ݙینھ ݙینھ پہلے ایں حلقے اچ متاثرین کیتے امدادی سامان پڄایا ڳئے۔ علاقے دے لوک آپݨی مدد آپ دے تحت امدادی کماں اچ مصروف ہن۔
