ملتان۔28ستمبر (اے پی پی):میٹرک امتحان اچ بہترین نتائج دےحوالےنال جنوبی پنجاب دے 11اچوں اٹھ ضلعیں پنجاب دے پہلے 14ضلعیں اچ شامل ، سکول ایجوکیشن ڈیپارٹمنٹ جنوبی پنجاب ہرضلع توں 10 چمپین سکولاں دے انتخاب کیتے ڈیٹامنگ ڳھدا،خصوصی تقریب اچ اساتذہ اتے سربراہان ادارہ کوں ایوارڈز نال نوازیا ویسی ۔ تفصیلات موجب میٹرک امتحان سالانہ 2022ءاچ بہترین نتائج دےحوالے نال جنوبی پنجاب دے 11 اچوں 8ضلعیں پنجاب سطح تے پہلے 14 ضلعیں اچ شامل اے ، استاداں تے سربراہان ادارہ دی حوصلہ افزائی کیتے سکول ایجوکیشن ڈیپارٹمنٹ جنوبی پنجاب ضلعی سطح تے 10چمپین سکولاں دے انتخاب دا فیصلہ کیتے ۔ڈائریکٹوریٹ آف پبلک انسٹرکشن(سکینڈری) جنوبی پنجاب سی ای اوزایجوکیشن اتے ڈی ای اوزتوں آپݨے آپݨے ضلع اچ میٹرک دے امتحان اچ بہترین نتائج دےحامل پنج بوائزاتے پنج گرلزسکولاں داڈیٹااتے رزلٹ دی تفصیلات منگ ڳھدن ۔
