اسلام آباد۔9جنوری(اے پی پی) عالمی حج کانفرنس اچ شرکت کیتے وزیر مذہبی امور مفتی عبدالشکور سعودی عرب پڄ ڳئن ۔ چار ݙینھ دی عالمی حج کانفرنس جدہ اچ تھیسی جیں اچ شرکا کوں سعودی ویژن 2030 دی روشنی اچ جدید حج انتظامات اتے سہولتاں تے بریفنگ ݙتی ویسی ۔ وزارت مذہبی امور دے ترجمان موجب مفتی عبدالشکور سعودی ہم منصب سودھے ٻئی اہم شخصیات نال ملاقاتاں تے اداریں دا دورہ …
عالمی حج کانفرنس اچ شرکت کیتے وزیر مذہبی امور مفتی عبدالشکور سعودی عرب پڄ ڳئن
مزید خبراں
اسلام آباد۔9جنوری(اے پی پی) عالمی حج کانفرنس اچ شرکت کیتے وزیر مذہبی امور مفتی عبدالشکور سعودی عرب پڄ ڳئن ۔ چار ݙینھ دی عالمی حج کانفرنس جدہ اچ تھیسی جیں اچ شرکا کوں سعودی ویژن 2030 دی روشنی اچ جدید حج انتظامات اتے سہولتاں تے بریفنگ ݙتی ویسی ۔ وزارت مذہبی امور دے ترجمان موجب مفتی عبدالشکور سعودی ہم منصب سودھے ٻئی اہم شخصیات نال ملاقاتاں تے اداریں دا دورہ کریسن ۔ وزیر مذہبی امور گزریل ݙینھ بس ٹرانسپورٹ کمپنی نقابہ سیارات دے چیئرمین اسامہ سمکری نال ملاقات کیتی جیں اچ منیٰ ، مزدلفہ، عرفات اچ حجاج کوں بہتر سفری سہولتاں ݙیوݨ تے ڳالھ مہاڑ کیتی ڳئی ۔ ترجمان موجب امسال حج درخواست گذاراں کیتے پاکستان اچ بینک اکاونٹ ہووݨ لازمی ہوسی ۔ حج 2023دے درخواست گذاراں کیتے پاکستانی مشین ریڈایبل پاسپورٹ دی میعاد26 دسمبر، 2023 ہوسی ۔حج درخواستاں فروری دے چھیکڑ تئیں منگیے ونڄݨ دا امکان اے ۔ کابینہ دی منظوری توں بعد وفاقی وزیر مذہبی امور حتمی حج پالیسی 2023 دا اعلان کریسن۔
