وزیر خزانہ اسحاق ڈار دی اسلامی ترقیاتی بینک دے صدر نال ملاقات

جنیوا۔9جنوری(اے پی پی)وفاقی وزیر خزانہ ومحصولات سینیٹر محمد اسحاق ڈار سیلاب متاثرہ لوکاں دی امداد اتے متاثرہ علاقیاں دی تعمیر نو و بحالی دے منصوبیاںا چ ہتھ ونݙاوݨ تے اسلامی ترقیاتی بینک دا شکریہ اداکیتے۔ او جنیوا اچ عالمی کانفرنس دے موقع اسلامی ترقیاتی بینک دے صدر محمد الجاسر نال ملݨ ویلھے الیندے پئے ہن۔ انہاں اسلامی ترقیاتی بینک دے صدر کوں پاکستان اچ سیلاب نال متاثرہ افراد اتےعلاقیاں دی امداد، بحالی و تعمیرنو کیتے اقدامات، ریلیف سانڳے اوکھ اتے فنڈز دی کمی دا ݙسایا۔ انہاں پاکستان دی سماجی و اقتصادی ترقی اچ اسلامی ترقیاتی بینک دے کردار دی تعریف کیتی۔اسلامی ترقیاتی بینک دے صدروزیر خزانہ کوں پورے تعاون دا یقین ݙیوایا۔