ای سی سی درآمدی یوریا دے 50 کلوگرام بیگ دا ڈیلرٹرانسفرنرخ 2350 روپے فی بیگ مقررکرݨ دی منظوری ݙے ݙتی اے

اسلام آباد۔11جنوری (اے پی پی) کابینہ دی اقتصادی رابطہ کمیٹی (ای سی سی) درآمدی یوریا دے 50 کلوگرام بیگ دا ڈیلرٹرانسفرنرخ 2350 روپے فی بیگ مقررکرݨ دی منظوری ݙے ݙتی اے۔کابینہ دی اقتصادی رابطہ کمیٹی (ای سی سی) دا اجلاس بدھ کوں وزیرخزانہ ومحصولات سینیٹر محمد اسحاق ڈاردی صدارت اچ تھیا۔ اجلاس اچ سارے متعلقہ وفاقی وزرا، وزرائے مملکت، معاونین خصوصی اتے سینئرافسرشریک تھیے۔ اجلاس اچ پٹرولیم ڈویژن ولوں ترائے آرایل این جی پاورپلانٹس توں بجلی ڳھنݨ اتے گیس دی فراہمی کیتے ڳھٹ توں ڳھٹ 33 فیصد دی ادائیگی دے معاہدیاں بارے سمری دی منظوری ݙتی ڳی۔ اجلاس اچ سی درآمدی یوریا دے 50 کلوگرام بیگ دا ڈیلرٹرانسفرنرخ 2350 روپے فی بیگ مقررکرݨ دی منظوری ݙے ݙتی ڳی۔