پورے ملک اچ چار ݙٰینھ وار انسدادپولیو مہم سنوار توں شروع تھیسی

اسلام آباد۔12جنوری (اے پی پی)پورے ملک اچ چار ݙینھ وار انسدادپولیو مہم سنوار توں شروع تھیسی ، 156 ضلعیں اچ 44.2 ملین ٻالاں کوں پولیو توں بچاوݨ دے قطریں توں علاوہ وٹامن اے دی خوراک وی ݙتی ویسی۔ قومی پولیو پروگرام دے آفیشل ٹویٹرتے جاری بیان موجب 4 ݙینھ وار دی قومی مہم دے دوران 6 مہینےتوں 59 مہینے تئیں دے ٻالاں کوں وٹامن اے دی خوراک وی اضافی ݙتی ویسی جیں توں ٻالاں دی قوت مدافعت اتے مجموعی صحت اچ بہتری آسی ۔ ایں اقدام توں صحت مند خوشحال اتے پولیو توں پاک مستقبل کوں یقینی بݨاوݨ اچ مدد ملسی ۔ ٹویٹ اچ اپیل کیتی ڳئی اے جو لکھاں ٻالاں صحت مند تے پولیو توں پاک مستقبل دی فراہمی اچ ساݙی مدد کرو ۔