بے نظیر انکم سپورٹ پروگرام دے تحت شفاف طریقے نال مستحق لوکاں کوں مالی مدد اتے طالب علماں کوں وظائف ݙتے ویندے پئں، سینیٹر شہادت اعوان

اسلام آباد۔۔13جنوری(اے پی پی) وزیر مملکت قانون و انصاف سینیٹر شہادت اعوان آکھیے بے نظیر انکم سپورٹ پروگرام دے تحت شفاف طریقے نال مستحق لوکاں کوں مالی مدد تے طالب علماں کوں وظائف ݙتے ویندے پئن ۔ سینیٹ اجلاس اچ سوالاں دے وقفے اچ سینیٹر فوزیہ ارشد، عرفان صدیقی، ثانیہ نشتر، عبدالغفور حیدری، دنیش کمار، شفیق ترین اتے سرفراز بگٹی دے سوالاں دے جواب اچ وزیر مملکت قانون و انصاف سینیٹر شہادت اعوان ݙسایا جو ’روٹی ساریں کیتے 2022ء ‘توں جاری اے، پناہ گاہ دے حوالے نال کوئی تبدیلی نی کیتی ڳئی ، پناہ گاہ اچ آوݨ آلیں دا باقاعدہ ریکارڈ رکھیا ویندے ، پشاور، مردان، ایبٹ آباد سودھے ٻئے علاقیں اچ پناہ گاہواں اچ سہولتان ݙتیاں ویندیاں پئن ، ساݙا مقصد کہیں دا دل ݙکھاوݨ کائنی ، پاکستان بیت المال عوامی خدمت دا ادارہ اے، بے نظیر انکم سپورٹ پروگرام دے تحت باقاعدہ بائیو میٹرک دے ذریعے رقم ݙتی ویندی اے، شکایتاں ملݨ تے کارروائی کیتی ویندی اے ، جے کوئی بینک آلا رقم اچ کمی بیشی کریندے تاں ایندا ازالہ کیتا ویندے ، شکایت تے کیسز ایف آئی اے کوں پٹھیے ڳئن۔