پاکستان دی معیشت دیاں بنیاداں مضبوط ہن وختی بحران توں نکل ویسوں، احسن اقبال

اسلام آباد۔13جنوری (اے پی پی):وفاقی وزیر منصوبہ بندی و ترقی پروفیسر احسن اقبال آکھیے جو پاکستان دی معیشت دیاں بنیاداں مضبوط ہن وختی بحران توں نکل ویسوں ،معاشی مشکلات دا سامݨا اے لیکن ڈیفالٹ دا زیرو فیصد خطرہ اے۔ برطانوی نشریاتی ادارے نال ڳالھ مہاڑ اچ انہاں آکھیے جو معاشی مشکلات دا سامݨا اے لیکن ڈیفالٹ دا زیرو فیصد خطرہ اے۔پاکستان دی معیشت دیاں بنیاداں مضبوط ہن وختی بحران توں نکل ویسوں ۔ انہاں آکھیے جو سیلاب دی تباہی توں 17 سو توں ودھ جاناں دا ضیان تھئے ۔سیلاب دی تباہ کاریاں توں 90لکھ لوک غربت دا شکار تھئن ، 80 لکھ لوکاں کوں غذائی قلت دا سامݨا کرݨا پئے ۔ انہاں آکھیے جنیوا کانفرنس اچ 10ارب ڈالر توں ودھ امداد دا وعدہ کیتا ڳیا ۔سیلاب دے ضیان دے بعد بحالی دا عمل جاری اے ۔ احسن اقبال آکھیے سیلاب دے ضیان دا ازالہ کرݨ اچ ݙو توں ترائے سال لڳسن ۔ سیلاب توں متاثرہ لوکاں دی بحالی کیتے حکومت ترائے سالہ ایجنڈا تیار کیتے ۔ قومی تعمیر نو دے ایجنڈے دے مطابق حکومت پنجاہ فیصد وسائل فراہم کریسی ۔ بقایا50 فیصد وسائل جینوا کانفرنس اچ کیتے ڳئے عالمی وعدیں نال پورے کیتے ویسن ۔بین الاقوامی برادری اتے عالمی مالیاتی اداریں نال رل تے نویں سروں تعمیر کریسن ۔