پاکستان دے سول سرونٹس ملک دا مستقبل ہین، چیلنجز نال نبݨݨ کیتے تیار تھیویڄے، وزیر اعظم شہباز شریف دا پاکستان ایڈمنسٹریٹو سروسز دے پروبیشنری آفیسران دی پاسنگ آئوٹ تقریب نال خطاب

اسلام آباد۔14جنوری(اے پی پی)وزیراعظم شہباز شریف آکھیے جو پاکستان دے سول سرونٹس ملک دا مستقبل ہین، چیلنجز نال نبݨݨ کیتے تیار تھیویڄے، سیاسی قیادت سودھا سارے اداراں دی ذمہ داری اے جو او پبلک سرونٹس کوں بے بنیاد الزام تراشی اتے انہاں دے خلاف بلاجواز کیسز دے ݙر کولو کݙھو جو او بلاخوف کم کرسڳن، 75 سال توں پاکستان دے سارے ادارے رل تے درست رستے تے ویندے پئے ہوندے تاں اڄ اساں قرض توں جان چھڑوا چکیے ہوندے اتے قائداعظم دے انڄھ وطن ڳھنݨ دے وژن دی تکمیل کرچکیے ہوندے۔ او لاہور اچ پاکستان ایڈمنسٹریٹو سروسز دے پروبیشنری آفیسران دی پاسنگ آئوٹ تقریب نال خطاب کریندے پئے ہن۔ تقریب اچ گورنر پنجاب بلیغ الرحمان وی موجود ہن۔ وزیراعظم پاس آئوٹ آفیسران کوں سنداں ونݙین۔ وزیراعظم آکھیے جو پورے پاکستان توں چمکدے تارے جیندے ہتھ اچ پاکستان دی ترقی و خوشحالی دی کنجی اے انہاں کوں اڄ تعلیمی، سماجی خدمات تے اعزازی اسناد ݙتیاں ڳن، جنوبی پنجاب اتے پاکستان دے ٻئے علاقیاں اچ سیلاب متاثرین دی خدمت کیتے جیڑھا کم کیتے انہاں کوں اید رکھیا ویسی۔ انہاں آکھیے جو ساݙے ہک ہتھ اچ ایٹم بم اتے ٻئے اچ کشکول اے جیڑھا شرمندڳی ݙیندے جو اساں 75 سالاں اچ اپݨے وسائل اتے ویلھے کوں برباد کیتے، احتجاج عدم استحکام، شورشرابہ توں نقصان پچائے، اڄ عملی میدان اچ کم کر تے ݙکھاوݨ دی لوڑھ اے۔ وزیراعظم آکھیے جیکر اساں سنبھل ونڄوں اتے اے فیصلہ کرڳھنوں جو اساں قائد اتے اقبال دا پاکستان ٻݨاوݨے تاں حالی وی ویلھا اے جو اڳو کوئی اوکھ نا رہسی اتے پاکستان اپݨی منزل دو ٹر پوسی۔