سکھر۔16جنوری(اے پی پی) ٹریک پٹرولنگ تے مامورریلوے گینگ مین دی وختی اطلاع تے ریل ڳاݙی کوں حادثے توں بچا ڳھدا ڳئے ۔ ترجمان ریلوے سکھر موجب کراچی توں لاہور وںجݨ آلی یوپی 37فرید ایکسپریس ریل ڳاݙی ݙینھ 10 وڄے دے نیڑے ݙہرکی اتے ریتی ریلوے سٹیشن دے درمیان سفر تے گامزن ہئی جو اوں ویلھے ٹریک پیٹرولنگ تے مامور ھک گینگ مین قمر دین کلو میٹر نمبر 10-582/09 تے ریل …
سکھر،ٹریک پٹرولنگ تے مامورریلوے گینگ مین دی وختی اطلاع تے ریل گاݙی کوں حادثے توں بچا ڳھدا ڳئے
مزید خبراں
سکھر۔16جنوری(اے پی پی) ٹریک پٹرولنگ تے مامورریلوے گینگ مین دی وختی اطلاع تے ریل ڳاݙی کوں حادثے توں بچا ڳھدا ڳئے ۔ ترجمان ریلوے سکھر موجب کراچی توں لاہور وںجݨ آلی یوپی 37فرید ایکسپریس ریل ڳاݙی ݙینھ 10 وڄے دے نیڑے ݙہرکی اتے ریتی ریلوے سٹیشن دے درمیان سفر تے گامزن ہئی جو اوں ویلھے ٹریک پیٹرولنگ تے مامور ھک گینگ مین قمر دین کلو میٹر نمبر 10-582/09 تے ریل دی پٹڑی دے ٹوٹے ہووݨ بارے وختی طور تے سٹیشن ماسٹر میر پور ماتھیلو کوں ݙسایا جیں تے فوری طور تے ریلوے سٹاف حفاظتی اقدامات کوں بروئے کار گھن آندے ہوئیں ریلوے ٹریک تے لال رنگ دا بینر فلیگ لاݙتا تے فرید ایکسپریس دے ڈرائیور ریل ڳاݙی روک ݙتی جیں توں فرید ایکسپریس وݙے حادثے توں بچ ڳئی ۔ ٹریک دا مرمتی کم مکمل تھیوݨ دے بعد فرید ایکسپریس کوں منزل دے پاسے روانہ کرݙتا ڳئے ۔ریلوے حکام موجب ایں ویلھے موسم ٻہوں ٹھڈا اے جیں پاروں کجھ جہیں تے ٹریک یا ایندے جوائنٹ ترٹݨ دا باعث بݨدن ، ایں سلسلے اچ ریلوے سکھر ڈویثرن دے افسران اتے عملہ ہر ویلھے آپݨی انسپکشنز تے پٹرولنگ دے ذریعے ریلوے ٹریک اتے ریلوے دی باقی ساری تنصیبات دی جانچ اتے نگرانی کریندے پئن تاں جو ریلوے دا سفر محفوظ بݨایا ونڄ سڳے ۔ پاکستان ریلوے اپݨے موٹو تحفظ پہلی ترجیح تے سختی نال عمل درآمد کریندا پئے ۔
