وزیر خارجہ بلاول بھٹو دی عالمی اقتصادی فورم دے اجلاس دے موقع تے چین دے نائب وزیراعظم لیو ہی نال ملاقات

اسلام آباد۔17جنوری (اے پی پی) وزیر خارجہ بلاول بھٹو زرداری ، سوئٹزرلینڈ اچ عالمی اقتصادی فورم دے اجلاس دے موقع تے منگل کوں چین دے نائب وزیر اعظم لیو ہی نال ملاقات کیتی۔ دفتر خارجہ موجب ݙوہیں رہنماواں پاکستان اتے چین وچال کثیرالجہتی اقتصادی تعاون تے ڳالھ کیتی اتے ݙوہیں ملکاں وچال آپسی فائدہ مند شراکت داری کوں ٻیا ودھاوݨ کیتے رابطے برقرار رکھݨ تے اتفاق کیتا۔