صدر مملکت ڈاکٹر عارف علوی نال پاکستان اچ چین دے سبکدوش تھیوݨ آلے سفیر نونگ رونگ دی ملاقات

اسلام آباد۔17جنوری (اے پی پی) صدر مملکت ڈاکٹر عارف علوی سی پیک دے تحت چین ولوں پاکستان اچ تقریباً 62 ارب ڈالر دی متوقع سرمایہ کاری دی تعریف کریندیں ہوئیں تجارت، سرمایہ کاری اتے کاروبار دے ٻہوں امکانات پاروں امید کیتی جو ݙو پاسہ تجارت دا حجم 27.8 بلین ڈالر اے مستقبل اچ ودھایا ونڄ سڳدے اتے تجارت دا توازن آپسی طور فائدہ تھیسی۔ صدرمملکت اے ڳالھ پاکستان اچ چین دے سبکدوش تھیوݨ آلے سفیر نونگ رونگ نال ڳالھ مہاڑ کریندیں ہوئیں آکھی جنہاں منگل کوں ایوان صدر اچ انہاں نال ملاقات کیتی۔ صدرآکھیا جو سی پیک دے تحت انوی منصوبے پورے کیتے ڳن۔ 27 تھیندے پن اتے 41 پائپ لائن اچ ہن۔ سی پیک بیلٹ اینڈ روڈ انیشی ایٹو دا ہک انقلابی فلیگ شپ منصوبہ اے جیڑھا علاقائی امن اتے رابطہ کاری دے محور دے طور کم کرݨ دی صلاحیت رکھیندے۔ صدر سبکدوش تھیوݨ آلے سفیر کوں چینی سفارت کاری دی بہترین روایات دے مطابق وقار نال چین دی نمائندگی کرݨ تے تعریف کیتی اتے انہاں دی مستقبل دی پیشہ وارانہ ذمہ واریاں بارے نیک تمناواں دا اظہار کیتا۔