ملک کوں کامیاب بݨاوݨ کیتے ضروری اے نینگراں کوں باشعور بݨایا ونڄے، احسن اقبال

اسلام آباد۔18جنوری(اے پی پی) وفاقی وزیر منصوبہ بندی و ترقی احسن اقبال آکھیے ملک کوں کامیاب بݨاوݨ کیتے ضروری اے نینگراں کوں باشعور بݨایا ونڄے ،اساں نینگراں دے ذریعے ترقی دیاں منزلاں پار کرسڳدوں ۔ اے ڳالھ انہاں ٻدھ کوں نیشنل انکیوبیشن سینٹر اچ منعقدہ تقریب توں خطاب کریندے ہوئیں آکھی اے ۔ انہاں آکھیے اے سینٹر 2016 اچ بݨیا ہئی اساں ایں سینٹر توں ڈیجیٹل پاکستان دے وژن کوں اڳوں گھن تے ٹریے ، 2017 اچ چار نیشنل انکیوبیشن سینٹرز بݨائے ڳن، یونیورسٹیز دی لیب کون انہاں سینیٹرنال جوڑیا ڳئے ،اے سینٹرز پاکستان کوں تکھے اڳوں ودھݨ اچ مدد کریسن۔ انہاں آکھیے ملک اچ تھری جی، فور جی، پالیسیاں ݙے تے ڳیوں ،نینگرانہاں سینٹرز توں آپݨے کیتے روزگار دے مواقع وی کڈھیندے پئن،اے او ایجاد اے جیں ہر نوجوان کوں پوری دنیا دی ڈیجیٹل مارکیٹ نال جوڑ ݙتے ،اساں کنے ھک نینگر نسل اے جیڑھا جو ملک کوں کامیاب کرسڳدی اے ،ملک کوں کامیاب بݨاوݨ کیتے ضروری اے نوجواناں کوں باشعور بݨایا ونڄے،اساں ول لیپ ٹاپ سکیم گھن آندے پیوں ۔ احسن اقبال آکھیے نوجواناں دے ذریعے اساں ترقی دیاں منزلاں طے کرسڳدوں اساں توں پچھوں رہݨ آلے ملک اساں توں اڳوں نکل ڳئن ایندی وجہ پالیسیاں دا تسلسل اتے سیاسی استحکام اے،بھارت اچ کہیں جماعت 10 سال توں گھٹ حکومت نی کیتی ،ملایشیاء،سنگاپور،بھارت بنگلادیش اچ وی پالیسیاں دا تسلسل اے،پچھلے 25 سالاں اچ پاکستان سیاسی عدم استحکام ݙٹھے، پاکستان دی نوجوان نسل اچ ہر کوالٹی موجود اے، ہزاراں نوجواناں کوں شعور ݙیسوں جو اڳلے 10 سالاںاچ پوری دنیا توں پاکستان اچ ٹیک جوائنٹ آسن ۔