اسلام آباد۔21جنوری(اے پی پی) صدر مملکت ڈاکٹرعارف علوی آن لائن بینک فراڈ اتے جعل سازی دے ودھدے واقعات دا نوٹس گھندے ہوئیں بینکنگ محتسب کوں تشویشناک رجحان دا سنجیدگی نال تے سخت نوٹس گھنݨ دی ہدایت کیتی اے ۔ایوان صدر دے پریس ونگ توں جاری بیان موجب آن لائن بینکنگ فراڈ دے ودھدے رجحان اچ نوسرباز خود کوں فون تے بینک دا اہلکار ظاہر کرتے صارفین دی ذاتی بینکنگ تفصیلات …
صدر مملکت ڈاکٹر عارف علوی دا آن لائن بینک فراڈ اتے جعل سازی دے ودھدے واقعات دا نوٹس
مزید خبراں
اسلام آباد۔21جنوری(اے پی پی) صدر مملکت ڈاکٹرعارف علوی آن لائن بینک فراڈ اتے جعل سازی دے ودھدے واقعات دا نوٹس گھندے ہوئیں بینکنگ محتسب کوں تشویشناک رجحان دا سنجیدگی نال تے سخت نوٹس گھنݨ دی ہدایت کیتی اے ۔ایوان صدر دے پریس ونگ توں جاری بیان موجب آن لائن بینکنگ فراڈ دے ودھدے رجحان اچ نوسرباز خود کوں فون تے بینک دا اہلکار ظاہر کرتے صارفین دی ذاتی بینکنگ تفصیلات حاصل کرتے شہریاں دی رقم آن لائن ذرائع توں کھڈویندن ۔صدر مملکت آن لائن بینک فراڈ متعلق اخبارات اچ خبراں تے تشویش دا اظہار کیتے۔ہݨے ہی معروف ناول نگار اتے ڈرامہ نگار مرزا اطہر بیگ کوں ھک آن لائن نوسرباز انہاں دے بینک اکاؤنٹ توں 11 لکھ روپے توں محروم کرݙتا ہئی ۔صدرمملکت آکھیے ینکنگ محتسب دے ذریعے صدر مملکت دی طرفوں سینکڑاں لوکاں دے کیسز دا فیصلہ کرݨ تے آن لائن فراڈ متاثرین کوں ریلیف ݙیوݨ دے باوجود فراڈ دے واقعات اچ ودھارا پریشان کن اے۔صدر مملکت بینکنگ محتسب کوں تشویشناک رجحان دا سنجیدگی نال تے سخت نوٹس گھنݨ دی ہدایت کریندے ہوئیں بینکنگ محتسب کوں ہنگامی بنیاداں تے مناسب چیک اینڈ بیلنس اتے فول پروف سیکیورٹی سسٹم لاگو کرݨ کیتے ٹھوس، بامعنی اتے موثر اقدامات کرݨ دی ہدایت کیتی اے ۔ انہاں آکھیے سارے بینکاں کوں مشترکہ طور تے سارے ذرائع ابلاغ، روایتی اتے ڈیجیٹل دے ذریعے آگاہی مہم شروع کرݨی چاہیدی اے۔
