کشمیری کل کالا ݙینھ منیسن، بھارت کوں مقبوضہ جموں تے کشمیر اچ ”یو م جمہوریہ“ مناوݨ دا کوئی حق نی، حریت قیادت

سرینگر۔25جنوری (اے پی پی) کنٹرول لائن دے ݙوہیں پاسوں اتے پوری دنیا اچ رہݨ آلے کشمیری کل کالا ݙینھ منیسن تانجو عالمی برادری تے اے دباؤ پاتا وںجے جو او بھارت ولوں کشمیری عوام کوں حق خودارادیت ݙیوݨ توں انکار دا نوٹس ڳھنے۔ کشمیر میڈیا سروس موجب کالا ݙینھ مناوݨ دی کال کل جماعتی حریت کانفرنس ݙتی اے۔ کل مقبوضہ جموں تے کشمیر اچ مکمل ہڑتال ہوسی اتے آزاد جموں تے کشمیر، پاکستان اتے دنیا دے مختلف ملکاں دے دارالحکومتاں اچ بھارت مخالف مظاہرے کیتے ویسن اتے ریلیاں کݙھی ویسن۔ کل جماعتی حریت کانفرنس دے رہنمااں غلام نبی وار، خادم حسین، سبط شبیر قمی اتے جموں و کشمیر لبریشن فرنٹ بیانات ، سنیھے اتے پوسٹراں دے ذریعے کشمیریاں کوں آکھیا جو او کل بھارت ولوں مقبوضہ کشمیر دے علاقے اچ تھیوݨ آلی ساری سرکاری تقریباں دا بائیکاٹ کرن اتے اپݨے گھر، دکاناں اتے ٻئی عمارتاں تے کالے جھنڈے لاون۔