انٹرنیشنل پارلیمنٹیرینز کانگریس کیتے پاکستان مثبت تے تعمیری کرداراداکیتے، چیئرمین سینیٹ محمد صادق سنجرانی

اسلام آباد۔8فروری(اے پی پی):چیئرمین سینیٹ محمد صادق سنجرانی آکھیے انٹرنیشنل پارلیمنٹیرینز کانگریس کیتے پاکستان مثبت تے تعمیری کردار اداکیتے، دنیا دے ارکان پارلیمنٹ ایں پلیٹ فارم دے ذریعے قیام امن اچ اہم کردار اداکرسڳدن ، ٹرانسپورٹ، صحت ، تعلیم اتے ٻئے شعبیں اچ بہتری کیتے اجتماعی کوششاں کرݨیاں ہوسن ، ہر سال ٹریفک حادثات اچ 1.3 ملین لوک ہلاک اتے 50 ملین زخمی تھیندن ،90 فیصد توں ودھ اموات گھٹ تے اوسط آمدن آلے ملکاں اچ تھیندن ۔ اے ڳاھل انہاں ٻدھ کوں اتھاں آئی پی سی دی بین الاقوامی روڈ سیفٹی کانفرنس توں خطاب کریندے ہوئیں آکھی اے چیئرمین سینیٹ آکھیے او روڈ سیفٹی متعلق اہم ترین کانفرنس اچ شرکت کیتے دنیا دے مختلف حصیں نال تعلق رکھݨ آلے سارے معزز ارکان پارلیمنٹ اتے مہماناں دا دلوں شکریہ ادا کریندن ، سینیٹ اتے حکومت پاکستان ایندے سفراچ مثبت اتے تعمیری کردار ادا کیتے ہر ممکن تعاون کیتے۔ انہاں ترکیہ اتے شام اچ تباہ کن زلزلے دی وجہ توں تھیوݨ آلے جانی ضیان تے تعزیت اتے ہمدردی دا اظہارکریندے ہوئیں آکھیے اوکھے ویلھے ترکی تے شام دے بھرا ملکاں دے رلے کھڑوں ۔ چیئرمین سینیٹ آئی پی سی دی سیکرٹری جنرل سینیٹر ستارہ ایاز کوں ایں تقریب دے کامیاب انعقاد تے مبارخ ݙتی ۔ صادق سنجرانی آکھیے آئی پی سی اپݨے مقصد دے حصول کیتے بہترین انداز اچ کم کریندی پئی اے ۔