سکیورٹی فورسز دا لکی مروت اچ آپریشن ، 12 دہشت گرد ماریے ڳئن ،آئی ایس پی آر

راولپنڈی۔8فروری (اے پی پی):سکیورٹی فورسز دے لکی مروت اچ خفیہ اطلاعات تے آپریشن دے دوران 12 دہشت گردماریے ڳئن ۔ آئی ایس پی آر موجب سکیورٹی فورسز کامیاب آپریشن 7 اتے 8 فروری دی وچلی رات کیتا جݙاں جو دہشت گرد ھک گاݙی تے سوار تھی تے بھڄݨ دی کوشش کریندے پئے ہن ۔ سکیورٹی فورسز لکی مروت اچ انٹیلی جنس اطلاعات تے آپریشن کیتا جیں اچ سکیورٹی فورسز توں فائرنگ دے تبادلے اچ 12دہشت گرد ہلاک تھی ڳئن ۔ منصوبہ بندی دے تحت دہشت گرداں کوں بھڄݨ کیتے ھک ڳاݙی ݙتی ڳئی ہئی تاں جو سیکورٹی فورسز وختی کامیاب کارروائی کریندے ہوئیں دہشت گرداں دی بھڄݨ دی کوشش ناکام بݨاݙتی ۔ہلاک دہشت گرداں دے قبضے توں اسلحہ، گولہ بارود اتے افغان کرنسی برآمد تھئی اے ۔سکیورٹی فورسز علاقے اچ مزید دہشت گرداں دی موجودگی دے پیش نظر ’کلیئرنس آپریشن‘ کریندی پئی اے ۔