ہر نویں پلستر دی رونمائی نال عمران خان نواں کوڑ، نواں الزام لیندن ،قوم اچ نفرت،بدتہذیبی، ونڈ دا زہر گھولݨ آلا اداریں دے خلاف زہر اڳلدا پئے ،مریم اورنگزیب

اسلام آباد۔9فروری(اے پی پی):وفاقی وزیر اطلاعات و نشریات مریم اورنگزیب آکھیے ہر نویں پلستر دی رونمائی نال عمران خان نواں کوڑ، نواں الزام لیندن ،قوم اچ نفرت، بدتہذیبی ، ونڈ دا زہر گھولݨ آلا اداریں دے خلاف زہر اڳلدا پئے،ہریے ہوئے نالائق ،نااہل ،گھڑی چور،کرپٹ بہروپیے دی کہیں کوں فکر کائنی۔ خمیس کوں آپݨے ٹویٹ اچ وفاقی وزیر مریم اورنگزیب آکھیے دہشت گردی، کشمیر، قومی سلامتی تے قومی قیادت دے نال رل تے ٻہݨ کوں تیار کائنی او شہدا دے خلاف غلیظ مہم چلاوݨ آلا،ہزارہ برادری دے جنازیں تے آکھیے جو’بلیک میل‘ نہ تھیساں ، او ملک کھٹا کریسی ؟ انہاں آکھیے بکتر بند زمان پارک تریمتاں تے ٻالاں دے حصار توں نکلن ۔ انہاں آکھیے عمران خان اداریں دے خلاف اپݨے کوڑے بیانات توں دہشت گرداں دی مدد کریندا پئے۔