زیر تعمیر دیا مر بھاشا ڈیم قومی ترقی دا وݙا منصوبہ اے، پراجیکٹ ایریا اچ جامع سکیورٹی پلان تے عمل کیتا ویسی، وزیر داخلہ رانا ثنا اللہ

چلاس۔13فروری(اے پی پی):وفاقی وزیر داخلہ رانا ثنا اللہ آکھیے جو زیر تعمیر دیامر بھاشا ڈیم قومی ترقی دا وݙا منصوبہ اے، پراجیکٹ ایریا اچ جامع اتے مربوط سکیورٹی پلان تے عملدرآمد ضروری اے۔ اے ڳالھ انہاں زیر تعمیر دیامر بھاشا ڈیم پراجیکٹ سائیٹ تے تعمیراتی کم اتے سکیورٹی اقدامات دے جائزہ ویلھے بریفنگ اچ آکھی۔ وفاقی سیکرٹری داخلہ، چیئرمین واپڈا اتے نیکٹا دے نیشنل کوآرڈی نیٹر وی وزیر داخلہ دے نال ہن۔ خیبرپختونخوا اتے گلگت بلتستان دے چیف سیکریٹریز و آئی جیز، پراجیکٹ حکام اتے واپڈا دے سینئر آفیسرز وی موجود ہن۔ وزیر داخلہ کوں منصوبے بارے بریفنگ اچ ݙسایا ڳئے جو دیا مر بھاشا ڈیم دی تکمیل 2029 ء اچ تھیسی، ڈیم اچ پاݨی کٹھا کرݨ دی مجموعی صلاحیت 8.1 ملین ایکڑ فٹ ہوسی ، دیامر بھاشا ڈیم توں 4 ہزار 500 میگاواٹ بجلی ٻݨسی۔