فارن سروس افسراں پوری دنیا اچ پاکستان دا موقف سوھݨے انداز اچ پیش کیتے، وزیر خارجہ بلاول بھٹو زرداری دا ’’42ویں سپیشلائزڈ ڈپلومیٹک گریجوایشن کورس ‘‘دی تقریب توں خطاب

اسلام آباد۔14فروری (اے پی پی) وزیر خارجہ بلاول بھٹو زرداری آکھیا جو فارن سروس افسراں پوری دنیا اچ پاکستان دا موقف سوھݨے انداز اچ پیش کیتے، ماحولیاتی تبدیلیاں بارے موقف تے پوری دنیا پاکستان نال کھڑی اے، جنیوا اچ کلائیمیٹ ریزیلیئنٹ پاکستان کانفرنس دے موقع تے عالمی برادری اساݙا ساتھ ݙتے، اوکھے ویلھے دنیا دا ساتھ اساݙی بہترین خارجہ پالیسی دا ثبوت اے۔ اے ڳالھیں انہاں منگل کوں اتھاں فارن سروس اکیڈمی اچ’’42 ویں سپیشلائزڈ ڈپلومیٹک گریجوایشن کورس ‘‘دی تقریب اچ بطور مزمان خصوصی خطاب کریندیں ہوئیں آکھی۔ وزیرخارجہ آکھیا جو پاکستان موحولیاتی تبدیلیاں بارے ہر فورم تے آواز چاتی اتے پوری دنیا پاکستان نال کھڑی تھئی اے۔ بلاول بھٹو زرداری آکھیا جو پاکستان اچ گزریل سال آوݨ آلے چھل دے بعد چین تے امریکا سودھے مختلف ملکاں اساݙی مدد کیتی جئیں دے بعد جنیوا اچ ماحولیاتی تبدیلیاں بارے کلائیمیٹ ریزیلیئنٹ پاکستان کانفرنس دے موقع تے دنیا اساݙا ساتھ ݙتے۔ انہاں نینگر سفارتکاراں کوں کورس پورا کرݨ تے مبارخ ݙتی۔ ایں توں پہلے فارن سروس اکیڈمی دے ڈائریکٹرجنرل اکیڈمی آوݨ تے وزیرخارجہ اتے ٻے مزماناں دا خیر مقدم کریندیں ہوئیں انہاں دا شکریہ ادا کیتا۔