عالمی برادری ترکیہ دے زلزلہ متاثرین دی بحالی اچ اپݨا کردار ادا کرے، اوکھے ویلھے ترکیہ نال ہیسے، زلزلہ متاثرین کیتے ایں مہینے دے چھیکڑ تئیں 1300 امدادی شہیں ترکیہ پڄائی ویسن، وزیراعظم محمد شہباز شریف دا انادولو کوں انٹرویو

اسلام آباد۔18فروری (اے پی پی) وزیراعظم محمد شہباز شریف آکھیا جو عالمی برادری ترکیہ دے زلزلہ متاثرین دی بحالی اچ اپݨا کردار ادا کرے، اوکھے ویلھے ترکیہ نال ہیسے، زلزلہ متاثرین کیتے ایں مہینے دے چھیکڑ تئیں 1300 امدادی شہیں ترکیہ پڄائی ویسن، مارچ اچ 1700 ٹن امدادی شہیں ترکیہ ٻھیجی ویسن۔ وزیراعظم محمد شہباز شریف اپݨے دورہ ترکیہ دے موقع تے نیوز ایجنسی انادولو کوں انٹرویو ݙیندیں ہوئیں آکھیا جو سردی دے موسم توں تحفظ کیتے خمیاں تے خصوصی توجہ ݙیندے پن، سردی دا مقابلہ کرݨ آلے خیمے اتے ٻی شہیں کوں خصوصی ترجیح ݙیندے پن۔ پاکستان اچ خیمے ٻݨاوݨ آلی صنعت نال ذاتی ملاقات کریساں، اعلیٰ معیار دے خیمے جلدی توں جلدی ٻݨوائے ویسن۔ خیمیاں کوں ترکیہ پڄاوݨ اچ کوئی وسلائی برداشت کائنا کریسوں۔ امدادی سامان پاکستان دی کمرشل ایئرلائنز ، انٹرنیشنل ایئر لائنز اتے ترکش ایئر لائنز نال نال پاکستان ایئر فورس اتے ترکش ایئر فورس، ٹرکاں، سمندری رستے ترکیہ پڄایا ویندا پے۔ مصیبت ویلھے پاکستان دی حکومت اتے عوام ولوں ترکیہ بھراواں نال یکجہتی کرینداں جئیں دے پیارے ایں زلزلے اچ ڳئے۔ انہاں دعا کیتی جو مالک کائنات اپݨی رحمتاں دے طفیل اساݙے ترک بھراواں اتے ٻھیݨیں کوں ٻیا نقصان اتے رنج توں محفوظ رکھے۔ اساں جاں بحق تھیوݨ آلیاں کیتے دعا گو ہیسے۔ وزیراعظم عزم کیتا جو جݙاں تئیں ترکیہ دے چھیکڑی بے گھر شہری مناسب طور بحال نی تھی ویندے اساں چین نال کائنا ٻہسوں۔ وزیراعظم اپݨے انٹرویو اچ اللہ تعالیٰ توں دعا کیتی جو اللہ تعالیٰ ترکیہ تے اپݨٰی رحمتاں نچھاورے کرے۔