لاہور ۔18فروری (اے پی پی) وزیر اعظم محمد شہباز شریف آکھیا جو پاکستان ترکیہ دے زلزلہ زدگان کیتے 1 لکھ 71 ہزار خیمے بھیجیسی۔ وزیراعظم خیمے دے معیار کیتے وزیرمنصوبہ بندی دے سربراہی اچ کمیٹی ٻݨا ݙتی اے۔ وزیر اعظم آفس میڈیا ونگ توں جاری بیان موجب چھݨ چھݨ کوں وزیراعظم نال پاکستان اچ خیمہ سازی دے صنعتکاراں دے وفد ملاقات کیتی۔ ملاقات اچ وزیراعظم کوں ݙسیا ڳیا جو ملک …
پاکستان ترکیہ دے زلزلہ زدگان کیتے 1 لکھ 71 ہزار خیمے بھیجیسی، وزیر اعظم محمد شہباز شریف دی خیمہ سازی دے صنعتکاراں دے وفد نال ڳالھ مہاڑ
لاہور ۔18فروری (اے پی پی) وزیر اعظم محمد شہباز شریف آکھیا جو پاکستان ترکیہ دے زلزلہ زدگان کیتے 1 لکھ 71 ہزار خیمے بھیجیسی۔ وزیراعظم خیمے دے معیار کیتے وزیرمنصوبہ بندی دے سربراہی اچ کمیٹی ٻݨا ݙتی اے۔ وزیر اعظم آفس میڈیا ونگ توں جاری بیان موجب چھݨ چھݨ کوں وزیراعظم نال پاکستان اچ خیمہ سازی دے صنعتکاراں دے وفد ملاقات کیتی۔ ملاقات اچ وزیراعظم کوں ݙسیا ڳیا جو ملک اچ ترکیہ دے زلزلہ متاثرین کیتے خیمہ سازی کیتے کئی استعداد موجود اے اتے این ڈی ایم اے پاکستان ٹینٹس مینوفیکچررز ایسوسی ایشن نال ایں بارے رابطے اچ اے۔ وزیراعظم کوں ݙسیا ڳیا جو این ڈی ایم اے ایں ویلھے 21 ہزار سردی توں بچݨ کیتے خیمے موجود ہن جیڑھے آندے مہینے دے پہلے ہفتے تئیں فضائی اتے زمینی رستیاں توں ترکیہ پڄا ݙتے ویسن۔ وزیراعظم ہدایت کیتی جو فوری طور ترکیہ کی ڈیزاسٹر مینجمنٹ پریزیڈنسی (اے ایف اے ڈی) توں خیمیاں دی خصوصیات بارے مشورہ کیتا ونڄے۔ ترکیہ اچ خیمیاں دی فوری لوڑھ پوری کرݨ کیتے فضائی رستے توں خیمے ٻھیجے ونڄن۔ ملاقات اچ وفاقی وزیرِ منصوبہ بندی پروفیسر احسن اقبال، وزیرِ مملکت عائشہ غوث پاشا، چیئرمین این ڈی ایم اے لیفٹیننٹ جنرل انعام حیدر ملک ،متعلقہ وزارتاں دے سیکرٹریز، ترکیہ اتے شام اچ تعینات سفرا اتے ٹینٹ مینوفیکچررز ایسوسی ایشن دے قائدین شرکت کیتی۔
