عمران خان دی’’جیل بھرو تحریک‘‘ انہاں دے ذاتی سیاسی مقصد کیتے اے، وفاقی وزیر برائے ماحولیاتی تبدیلی سینیٹر شیری رحمان

اسلام آباد۔20فروری (اے پی پی) وفاقی وزیر برائے ماحولیاتی تبدیلی سینیٹر شیری رحمان آکھیا جو عمران خان دی’’جیل بھرو تحریک‘‘ انہاں دے ذاتی سیاسی مقصد کیتے اے۔ ایں مہم دا جمہوریت ملک اتے عوام نال کوئی ݙیوݨ ڳھنݨ نی، عوام دے بعد پی ٹی آئی کارکناں وی انہاں دی سیاست کوں مسترد کر ݙتے۔ سنوار کوں اپݨے ہک ٹویٹ اچ انہاں آکھیا جو عمران خان اڄ توں جیل بھرو تحریک شروع کر تے خود حفاظتی ضمانت کیتے عدالت پڄدے پئن۔ خود ضمانت ڳھن تے کارکناں کوں جیل ونجݨ دا مشورہ ݙیندے پن۔ ایہو وجہ اے جو تحریک انصاف صرف 16 سو ورکرز رجسٹریشن کرائی اے۔ انہاں آکھیا جو عوام دے بعد پی ٹی آئی کارکناں وی انہاں دی سیاست کوں مسترد کر ݙتے۔