جارج واشنگٹن دی پینٹنگ دی نمائش دے نال عالمی بین المذاہب کانفرنس دی مہم شروع کیتی ویسی، جے سالک

اسلام آباد۔20فروری (اے پی پی) ورلڈ مینارٹیز الائنس دے کنوینر اتے سابق وفاقی وزیر برائے بہبود آبادی جے سالک آکھیا جو او سابق امریکی صدر جارج واشنگٹن دی پینٹنگ دی نمائش دے نال عالمی بین المذاہب کانفرنس دی مہم شروع کیتی ویسی تانجو انہاں دی اپݨی قوم اتے بنی نوع انسان کیتے خدمات کوں خراج عقیادت پیش کیتا ونڄ سڳے۔ اے پی پی نال واشنگٹن ڈی سی توں ٹیلی فون تے ڳالھ مہاڑ اچ جے سالک آکھیا جو انہاں دے بھرا ولوں ٻݨائے ڳے پورٹریٹ اچ کیتھولک چرچ دے سربراہ پوپ فرانسس، کینٹربری دے آرچ بشپ جسٹن ویلبی، سابق امریکی صدر وابراہم لنکن، جارج واشنگٹن’مارٹن لوتھر کنگ جونیئر، امام کعبہ عبدالرحمٰن السدیس، اتے شہزادی آف ویلز لیڈی ڈیانا سودھے اہم عالمی شخصیات دے پورٹریت شامل ہن۔ اے پورٹریٹ انہاں عظیم شخصیات دی کوششاں آلے پاسے رہنماواں اتے عوام دی توجہ ݙواوݨ اچ انہاں دی مدد کریسن۔ جے سالک آکھیا جو اے پورٹریٹ انسانی ہمدردی دے مقصد کیتے چندہ جمع کرݨ کیتے نیلام کیتے ویسن۔ مہم دا مقصد معاشرے دے پسماندہ اتے پسے ہوئے لوکاں دی مدد کیتے فنڈز دا انتظام کرݨ اے۔ جارج واشنگٹن دی شخصیت دے امریکی معاشرے تے گہرے نقوش ہن اتے انہاں دی پینٹنگ دی نمائش نال عالمی بین المذاہب مہم شروع کریندے پن۔ جےسالک آکھیا جو انہاں کنے تقریباً 25 خصوصی آئل پینٹنگز ہن جیڑھے انہاں دے متوفی بھرا اتے مصور مارکس سالک ٻݨائی ہن جنہاں جمہوریت، اقلیتاں دے حقوق کیتے جدوجہد اتے مذہبی جڑت دی وکالت کیتی۔