حکومت ملکی معیشت تکڑی کرݨ کیتے ودھ اقدامات کریندی پئی اے، وزیراعظم دی بین الاقوامی مالیاتی فرم روتھ چائلڈ اینڈ کمپنی دے وفد نال ملاقات

اسلام آباد۔20فروری(اے پی پی)وزیراعظم محمد شہباز شریف آکھیے جو حکومت ملکی معیشت تکڑی کرݨ کیتے ٹھوس اتے فوری اقدامات کریندی پئی اے، پاکستان کوں موسمیاتی تبدیلی دے اثرات پاروں مسلیاں دا سامݨا کرݨا پئے، غیر ضروری درآمدات اچ کمی اتے برآمدات ودھاوݨ ترجیح ہین۔ اے ڳالھ انہاں بین الاقوامی مالیاتی فرم روتھ چائلڈ اینڈ کمپنی دے وفد نال ملݨ ویلھے آکھی۔ وفد پاکستان دی معاشی صورتحال مستحکم قرار ݙیندے آکھیا جو پاکستان دی سٹاک ایکسچینج خطے دی بہتر کارکردگی آلی سٹاک ایکچیسنجز اچوں ہے، پاکستان موسمیاتی تبدیلی بارے اپݨے تجربیاں پاروں ڄڳ اچ ودھ آڳاہی ݙتی اے، پاکستان دی معیشت کیتے اڄوکی حکومت دے موثر ادامات پاروں ایکوں پیریں تے کھڑا کرݨ اچ مدد ملسی۔ ایں موقع تے وزیر مملکت برائے خزانہ عائشہ غوث پاشا اتے ٻئے اعلیٰ حکام وی موجود ہن۔