پاکستان کوں معاشی چیلنج ہین ٻھل ہک واری ول ابھردی معیشت ٻݨ ݙکھیسوں، وزیر خارجہ بلاول بھٹو دا غیر ملکی چینل کوں انٹرویو

اسلام آباد۔20فروری(اے پی پی)وزیر خارجہ بلاول بھٹو زرداری آکھیے جو پاکستان کوں معاشی چیلنج ہین ٻھل ہک واری ول ابھردی معیشت ٻݨ ݙکھیسوں۔ میونخ سکیورٹی کانفرنس دے موقع تے غیر ملکی چینل کوں انٹرویو اچ انہاں آکھیا جو یوکرائن جنگ اتے سیلاب پاکستان دی معشیت کوں وݙا متاثر کیتے، پاکستان اینڄھے دور اچ اے جیندے بعد ہݨ کوئی غیر آئینی اقدام نہ تھیسن۔ انہاں آکھیا جو وزیردفاع ملکی مکعیشت بارے تکنیکی نئیں ٻھل سیاسی تناظر اچ اوکھے مالی بحران دا آہدے پئے ہن، سیلاب پاکستان دی معاشی حیثیت وٹا ݙتے اتے پاکستان حالی تئیں اوکھ توں نئین نکل سڳیا، تہوں اساں آئی ایم ایف نال مذاکرات کریندے پئے ہپیں۔ انہاں سابق وزیراعظم عمران خان کوں تحریک عدم اعتماد نال ہٹاوݨ کوں ہک جمہوری اتے ادارہ جاتی کامیابی قرار ݙیندے آکھیا جو اے ملکی تاریخ اچ جمہوری عمل دی پاسداری کیتے اہم کامیابی اے، عمران خان ہݨ وی جمہوری انداز نال ول سڳدن ٻھل او جمہوری نئیں ٻݨدے تہوں انہاں دا کوئی سیاسی مستقبل نئیں بچدا، ساکوں جمہوریت دکی حوصلہ افزائی کرݨ آلیآں دی حمایت ہووݨی چاہیدی اے۔ بلاول بھٹو زرداری آکھیا جو ملکی تاریخ دا ادھا حصہ براہ راست آمریت اتے ایہو ڄھیں تبدیلیاں اچ ڳزریے، غیر جمہوری قوتاں کوشش دے باوجود پیر نئیں ڄما سڳیاں اتے اڳو تے اساں اے موقع نا ݙیسوں۔ وزیرخارجہ دہشتگردی دی لہر تے چنتا کریندے آکھیے جو افغانستان توں امریکی انخلا دے بعد دہشت گردی ودھی اے، اساں اپݨی سرزمین تے دہشت گرداں دا مقابلہ کریسوں ٻھل ایندے مستقل حل کیتے افغانستان توں خطرات کوں روکݨ ٻہوں ضروری اے۔