اسلام آباد۔21فروری (اے پی پی) الیکشن کمیشن صدرمملکت ولوں پنجاب اتے خیبر پختونخوا اچ انتخابات دی تاریخ مقرر کرݨ بارے اٹارنی جنرل آف پاکستان اتے قانونی ماہرین توں رہنمائی ڳھنݨ دا فیصلہ کیتے۔ منگل کوں الیکشن دا اہم اجلاس سکندرسلطان راجہ چیف الیکشن کمشنر دی صدارت اچ تھیا جئیں اچ معزز ممبران الیکشن کمیشن وی شریک تھیے۔ اجلاس اچ الیکشن کمیشن فیصلہ کیتا جو الیکشن کمیشن آئین اتے قانون دے …
انتخابات دی تاریخ ،الیکشن کمیشن دا اٹارنی جنرل اتے قانونی ماہرین توں رہنمائی ڳھنݨ دا فیصلہ
اسلام آباد۔21فروری (اے پی پی) الیکشن کمیشن صدرمملکت ولوں پنجاب اتے خیبر پختونخوا اچ انتخابات دی تاریخ مقرر کرݨ بارے اٹارنی جنرل آف پاکستان اتے قانونی ماہرین توں رہنمائی ڳھنݨ دا فیصلہ کیتے۔ منگل کوں الیکشن دا اہم اجلاس سکندرسلطان راجہ چیف الیکشن کمشنر دی صدارت اچ تھیا جئیں اچ معزز ممبران الیکشن کمیشن وی شریک تھیے۔ اجلاس اچ الیکشن کمیشن فیصلہ کیتا جو الیکشن کمیشن آئین اتے قانون دے مطابق بغیر کہیں دباؤ دے فیصلے کریندے اتے کریندا رہسی۔ الیکشن کمیشن ویلھے تے آئین اتے قانون دے تحت نوے ݙینھ اچ الیکشن کراوݨ کیتے تیار رہندے پر آئین اتے قانون اچ کتھائیں وی نی لکھیا جو الیکشن دی تاریخ کمیشن ݙیسی۔ مگر مجاز اتھارٹی ولوں تاریخ مقرر کرݨ دے بعد کمیشن فوراً الیکشن شیڈول ݙے تے الیکشن کراوݨ دا پابند اے۔ صدرپاکستان صاحب ولوں تاریخ مقرر کرݨ دے بعد اڄ کمیشن دی میٹنگ اچ ایں تے تفصیلاً غور کیتا ڳے اتے اٹارنی جنرل آف پاکستان اتے ٻے قانونی ماہرین توں ٻی رہنمائی ڳھنݨ دا فیصلہ کیتا ڳے۔ ایں بارے اٹارنی جنرل آف پاکستان کوں کل مورخہ 22فرور ی 2023 کیتے دعوت ݙتی ڳی اے اتے مشورے کیتے ݙو آئینی، قانونی ماہرین چݨیے ویسن۔
