اسلام آباد۔22فروری (اے پی پی) صدر مملکت ڈاکٹر عارف علویآکھیا جو ٻالاں دی تعلیم بہترین مستقبل دی ضمانت اے، تعلیم کوں اپݨی ترجیح ٻݨاوݨا پوسی۔ تعلیم دے ودھارے کیتے مخیر حضرات کوں میدان اچ آوݨا چاہیدے۔ تریمتیں کوں بااختیار ٻݨاوݨ اڄوکے دور اچ ترقی کیتے ٻہوں ضروری اے۔ اے ڳالھیں انہاں بدھ کوں ”تعلیم توں محروم ٻال، چلینجز اتے اڳوں ودھݨ دا راہ" دے موضوع تے تقریب توں خطاب کریندیں …
ٻالاں دی تعلیم بہترین مستقبل دی ضمانت اے، تعلیم کوں اپݨی ترجیح ٻݨاوݨا پوسی، صدر مملکت ڈاکٹر عارف علوی
اسلام آباد۔22فروری (اے پی پی) صدر مملکت ڈاکٹر عارف علویآکھیا جو ٻالاں دی تعلیم بہترین مستقبل دی ضمانت اے، تعلیم کوں اپݨی ترجیح ٻݨاوݨا پوسی۔ تعلیم دے ودھارے کیتے مخیر حضرات کوں میدان اچ آوݨا چاہیدے۔ تریمتیں کوں بااختیار ٻݨاوݨ اڄوکے دور اچ ترقی کیتے ٻہوں ضروری اے۔ اے ڳالھیں انہاں بدھ کوں ”تعلیم توں محروم ٻال، چلینجز اتے اڳوں ودھݨ دا راہ” دے موضوع تے تقریب توں خطاب کریندیں ہوئیں آکھی۔ تقریب دا اہتمام پاکستان انسٹی ٹیوٹ آف پارلیمانی سروسز (پپس) پاکستان ٹیچرز فورم دے سانجھ نال کیتا ہئی۔ تقریب اچ اراکین پارلیمنٹ، ماہرین تعلیم اتے ٻی اہم شخصیات شریک تھیے۔ صدرمملکت آکھیا جو علم دا فروغ کہیں وی معاشرے دی ترقی کیتے ضروری اے۔ تعلیم دے شعبہ خصوصی طور سکولاں توں ٻاہر ٻالاں دی تعلیم اتے تربیت تے توجہ ݙیوݨ دے مثبت نتائج ملسن۔ تعلیم دے شعبے دی بہتری کیتے حکومت نال معاشرے کوں وی اپݨی ذمہ واری پوری کرݨی پوسن۔ انہاں آکھیا جو ” آوٹ آف سکول چلڈرن“ اچوں ݙاہ فیصد دا تعلق پاکستان توں اے جیڑھا خوفناک اے۔ ملک اچ پرائمی سکولاں اچ پڑھݨ آلے بالاں دی شرح صرف 68 فیصد اے۔ انہاں آکھیا جو ٻالاں دی تعلیم بہترین مستقبل دی ضمانت اے، تعلیم کوں اپݨی ترجیح ٻݨاوݨا پوسی۔
