حکومت بچت پالیسی اپنیندی پئی اے، آئی ایم ایف نال تیکھے معاملات طے تھی ویسن، وزیراعظم دا وفاقی کابینہ اجلاس نال خطاب

اسلام آباد۔22فروری(اے پی پی)وزیراعظم محمد شہباز شریف آکھیے جو اتحادی حکومت ݙینھ رات ملک اتے قوم دی بہتری اچ ردھی ہوئی اے اتے بچت پالیسی اپنیندی پئی اے، آئی ایم ایف نال تیکھے معاملات طے تھی ویسن، ماضی توں سبق سیکھ تے اڳو تے ودھݨا ہوسی، ملک کوں چیلنجاں اتے معاشی اوکھ توں کݙھݨ، ترقی و خوشحالی کیتے اجتماعی طور تے کردار ادا کرݨا ہوسی۔ اے ڳالھ انہاں وفاقی کابینہ دے اجلاس نال خطاب اچ آکھی جو اڄ ٻۃوݨ اوکھا ویلھا اے ڄݙاں پوری قوم وݙے امتحان اچوں لنڳھدی پئی اے، آئی ایم ایف دیاںا وکھاں شرطاں اپروں مہانڳ ٻھوڳݨا پوندا پئے ٻھل ساکوں بطور پاکستانی سرکاری افسر اتے فرد بالخصوص حکومتی مشینری، سیاستداناں، بیورو کریٹس اتے صوبائی اکائیاں سودھا ہر کہیں دی کٹھی ذمہ داری اے جو ساکوں اتحاد ݙکھاوݨا چاہیدے اتے کفایت شعاری، سادگی، قربانی و ایثار دا جذبہ ݙکھاوݨا ہوسی۔ وزیراعظم آکھیا جو قوم تانڳھی اے جو کیوں اے مخلوط حکومت اوکھ نال نٻݨسی، ایں سانڳے اساں نا چاہندے ہوئے وی اوکھے فیصلے کریندے پئے ہیں، ملک کوں درست سمت تے سٹݨ کیتے پورا زور لیسوں، پہلے اساں آپ ایثار دی مثال ٻݨسوں تاں ٻئے وی جذبی قربانی ݙکھیسن۔