پاکستان اقوام متحدہ دے ہیڈکوارٹر اچ ”اسلام اچ تریمتیں“ دے موضوع تے 8 مارچ کوں ہک ݙینھ دی کانفرنس دی میزبانی کریسی، ترجمان دفتر خارجہ

اسلام آباد۔23فروری (اے پی پی) پاکستان اسلامی تعاون تنظیم (او آئی سی) دے وزرائے خارجہ کونسل دے سربراہ دی حیثیت نال 8 مارچ کوں نیویارک اچ اقوام متحدہ دے ہیڈکورٹر اچ ”اسلام اچ تریمتیں“ دے موضوع تے 8 مارچ کوں ہک ݙینھ دی کانفرنس دی میزبانی کریسی۔ دفتر خارجہ دی ترجمان خمیس کوں پریس بریفنگ اچ ݙسیا جو پاکستان ایں کانفرنس دا اہتمام اقوام متحدہ دے ہیڈ کوارٹر اچ تریمتیں دی حیثیت بارے اقوام متحدہ دے کمیشن دے 67 ویں اجلاس تے کریندا پے۔ کانفرنس دا مقصد اسلام اچ تریمتیں دے حقوق بارے تصور اتے حقیقت دے فرق کوں مکاوݨ اتے مشہور مسلم تریمتیں دے تجربات اتے کامیابیاں دا جشن مناوݨ اے۔