اسلام آباد۔28فروری(اے پی پی)صدر مملکت ڈاکٹر عارف علوی صنعت و معیشت دے ٻعے شعبیاں اچ ترقی سانڳے ملک اچ مہارتاں اتے تکنیکی تعلیم کوں ودھارا فیوݨ دی حوصلہ افزائی تے زور فیندے آکھیے جو ملک اچ 2 کرور توں ودھ سکول توں ٻاھرو رہ ونڄݨ آلے ٻالاں کوں مفید اتے کم دا شہری ٻݨاوݨ کیتے فکری و جسمانی نشوونما ݙیوݨ دی لوڑھ اے۔ اے ڳالھ انہاں اسلام آباد اچ نیشنل …
سکولاں توں رہ ونڄݨ آلے ٻالاں کوں کم دا شہری ٻݨاوݨ کیتے فکری و جسمانی نشوونما ݙیوݨ دی لوڑھ اے، صدر مملکت دا نیشنل سکلز یونیورسٹی دے سینیٹ اجلاس نال خطاب
مزید خبراں
اسلام آباد۔28فروری(اے پی پی)صدر مملکت ڈاکٹر عارف علوی صنعت و معیشت دے ٻعے شعبیاں اچ ترقی سانڳے ملک اچ مہارتاں اتے تکنیکی تعلیم کوں ودھارا فیوݨ دی حوصلہ افزائی تے زور فیندے آکھیے جو ملک اچ 2 کرور توں ودھ سکول توں ٻاھرو رہ ونڄݨ آلے ٻالاں کوں مفید اتے کم دا شہری ٻݨاوݨ کیتے فکری و جسمانی نشوونما ݙیوݨ دی لوڑھ اے۔ اے ڳالھ انہاں اسلام آباد اچ نیشنل سکلز یونیورسٹی دی سینیٹ دے اجلاس دی اڳواݨی کریندے آکھی۔ صدر آکھیا جو نیشنل سکلز یونیورسٹی مارکیٹ دی لوڑھ دے مطابق ٻئے ہنر مند پیدا کرے، یونیورسٹیاں طلباء کیتے کیرئیر کونسلنگ تے توجہ ݙیون جو طلبہ کوں مناسب پیشے چنݨ اچ سوکھ ملے تے او اپݨا مستقبل سڄاکا کرسڳن۔ انہاں نیشنل سکلز یونیورسٹی انتظامیہ کوں آکھیا جو او گریجویٹس دے معیار اتے مہارتاں کوں چنڳاں کرݨ کیتے قومی و بین الاقوامی تکنیکی تعلیمی اداریاں نال روابط ودھاون۔
