اسلام آباد۔28فروری(اے پی پی)وزیرِاعظم محمد شہباز شریف ایں سال انہالے اچ بجلی دی لوڈشیڈنگ دا ویلھا ڳھٹ توں ڳھٹ کرݨ دی ہدایت کریندے آکھیے جو نیشنل ٹرانسمیشن ڈسٹری بیوشن کمپنی (این ٹی ڈی سی) بورڈ دی نوسرو تشکیل کیتی ونڄے، مٹیاری ٹرانسمیشن لائن منصوبہ ویلھے تے مکمل نا کرݨ اچ کوتاہی ورتݨ آلے افسران دے خلاف محکمانہ کارروائی کیتی ونڄے، سرکاری عمارتاں کوں سولر تے چلاوݨ دا کم تیکھا کیتا …
وزیرِاعظم دی اڳواݨِی اچ انہالے اچ بجلی ݙیوݨ اتے توانائی شعبے دے مختلف منصوبیاں بارے جائزہ اجلاس
مزید خبراں
اسلام آباد۔28فروری(اے پی پی)وزیرِاعظم محمد شہباز شریف ایں سال انہالے اچ بجلی دی لوڈشیڈنگ دا ویلھا ڳھٹ توں ڳھٹ کرݨ دی ہدایت کریندے آکھیے جو نیشنل ٹرانسمیشن ڈسٹری بیوشن کمپنی (این ٹی ڈی سی) بورڈ دی نوسرو تشکیل کیتی ونڄے، مٹیاری ٹرانسمیشن لائن منصوبہ ویلھے تے مکمل نا کرݨ اچ کوتاہی ورتݨ آلے افسران دے خلاف محکمانہ کارروائی کیتی ونڄے، سرکاری عمارتاں کوں سولر تے چلاوݨ دا کم تیکھا کیتا ونڄے۔ او اسلام آباد اچ انہالے اچ بجلی ݙیوݨ اتے توانئی شعبے دے مختلف منصوبیاں بارے جائزہ اجلاس دی اڳواݨی کریندے پئے ہن۔ اجلاس اچ بجلی دی ترسیل، پیداوار اتے دستیابی دا جائزہ ڳھدا ڳیا اتے لوڈمینجمنٹ تے بریفنگ ݙتی گئی۔ اجلاس اچ مقامی سطح تے سولر پینل اتے الیکٹرک بائیک ٻݨاوݨ بارے مجوزہ پالیسی تے وی غور تھیا جیڑھی آندے کابینہ اجلاس اچ پیش کیتی ویسی ڄݙاں جو گیس بچاوݨ کیتے گیزر اچ کونیکل بیفل لاوݨ دے منصوبہ دی تکمیل دا وی ݙسایا ڳیا۔ اجلاس کوں کابینہ دے 3 جنوری دے بجلی بچت پلان تے عملدرآمد دا وی ݙسایا ڳیا۔
