پوری دنیا اچ 34 لکھ آئی ٹی ماہرین دی خدمات درکار ہن ، پائیدار ترقی کیتے فکری وسائل کوں ترقی ݙیوݨ دی لوڑھ اے ، صدر مملکت

کراچی۔20مارچ (اے پی پی):صدر مملکت ڈاکٹر عارف علوی پاکستان دی پائیدار بنیاداں تے ترقی اتے خوشحالی کیتے فکری وسائل کوں ودھارا ݙیوݨ دی لوڑھ تے زور ݙیندے ہوئیں آکھیے جو ملک اچ جدت کوں ودھارا ݙیوݨ دے بے پناہ امکانات موجود ہن۔ صدر مملکت سنوار کوں نیشنل آئیڈیا بینک دے تحت سرسید یونیورسٹی آف انجینئرنگ اینڈ ٹیکنالوجی اچ منعقدہ تقریب تقسیم انعامات توں خطاب کریندے ہوئیں آکھیے جو اختراعی نظریات دا ودھارا ، صحت تے تعلیم دے شعبیں تے توجہ، نویں ابھردی ہوئی ٹیکنالوجیز کوں وختی اپناوݨ تے انہاں توں موافقت نال درست ترجیحات دا تعین اتے دانشمندانہ سیاسی فیصلہ سازی قوم کوں ترقی دے رستے تے ٹورݨ کیتے اہم اے ۔ ڈاکٹر عارف علوی آکھیے جو نویں خیالات اتے تصورات انسانی ارتقا تے منازل طے کرݨ اچ اہم کردار نبھائے ۔ انہاں آکھیے قدرتی وسائل دی ترقی دے نال نال ملک دی پائیدار ترقی کیتے فکر وسائل دی ترقی ناگزیر اے انہاں آکھیے جو ترقی کرݨ آلے ملک ہمیشہ صحت تے تعلیم کوں آپݨی اولین ترجیح بݨیندن کیوں جو صحت دی ݙیکھ بھال دا مئوثر نظام قوم دی جسمانی تے ذہنی تندرستی کوں یقینی بݨیندے تے جامع اتے جدید تعلیمی نظام ایں دی فکری ارتقاء دی ضرورتاں کوں پورا کریندے ۔