وزارت منصوبہ بندی تے ترقی کل ’’وزیر اعظم یوتھ ڈویلپمنٹ انیشیٹوز ‘‘ دا باقاعدہ آغاز کریسی، معاشی بحران دے باوجود حکومت نینگراں دی بہتری کیتے کم کریندی پی اے، پروفیسر احسن اقبال

اسلام آباد۔20مارچ (اے پی پی) ملک دے نینگراں کوں بااختیار ٻݨاوݨ اتے تعلیم ݙیوݨ بارے وزیر اعظم شہباز شریف دے وژن دے تحت وزارت منصوبہ بندی، ترقی تے خصوصی اقدامات (کل ) منگل کوں وزیر اعظم یوتھ ڈویلپمنٹ انیشیٹوز دا باقاعدہ آغاز کریسی۔ 15 میگا یوتھ ڈویلپمنٹ انیشیٹوز جئیں اچ بااختایر نینگر انٹرن شپ پروگرام، وزیر اعظم دا یوتھ لیپ ٹاپ پروگرام، بلوچستان اتے سابق فاٹا دے طلباء کیتے 5000 وظائف، 75 نیشنل ٹاپ ٹیلنٹ سکالرشپ پروگرام، سیرت چیئرز دا قیام، پاکستان دے ڳھٹ ترقی یافتہ ضلعیاں اچ پبلک سیکٹر یونیورسٹیاں دے ذیلی کیمپسز دا قیام، یوتھ سکلز ٹریننگ پروگرام، ینگ ڈویلپمنٹ فیلوشپ پروگرام، ست سینٹرز آف ایکسی لینس، پاکستان انوویشن فنڈ ینگ ڈویلپمنٹ لیڈر ایوارڈ، پاکستان دے 20 غریب ترین ضلعیاں دی ترقی کیتے خصوصی ترقیاتی سکیم، پاکستان اچ ینگ پیس اینڈ ڈویلپمنٹ کور دا پروگرام اتے 250 منی اسپورٹس کمپلیکس شامل ہن۔