سرکاری سکیم دے تحت 46 ہزار پاکستانی عازمینِ حج سعودی عرب پڄ ڳن

اسلام آباد۔7جون(اے پی پی) سرکاری سکیم دے تحت 46 ہزار پاکستانی عازمینِ حج سعودی عرب پڄ ڳن۔ مکہ مکرمہ اچ پاکستانی عازمین دی تعداد 30 ہزار تھی چکی اے، مدینہ منورہ اچ 16 ہزار عازمین موجود ہین، پاکستان توں مدینہ منورہ دیاں پروازاں مکمل تھی چکین، ہݨ 21 جون تئیں ساریاں سرکاری حج پروازاں جدہ ویسن۔ حج توں پہلے 42 ہزار توں ودھ عازمینِ کرام کوں مدینہ منورہ دی زیارت مکمل کرائی ویسی۔ ٻئے پاسو حج سکیم دے عازمین دی آمد شروع اے ، 3 ہزار توں ودھ عازمین مکہ مکرمہ پڄ گئن۔ 35  حج گروپ آرگنائزرز دی مانیٹرنگ مکمل تھی گئی اے ، نجی حج سکیم دی 2 شکایات دا ازالہ کیتا گئے۔ حج میڈیکل مشن دے تحت مکہ و مدینہ اچ 2 ہسپتال اتے 12 ڈسپنسریاں دے ذریعے طبی سہولیات ݙتیاں وینداں پن، مکہ اتے مدینہ منورہ اچ 272 ڈاکٹرز اتے طبی عملہ 24 گھنٹے علاج دی سہولیات ݙیندا پئے۔