اسلام آباد۔8جون(اے پی پی):پاکستان آکھیے او اقوام متحدہ دی سلامتی کونسل دیاں قرارداداں دے مطابق تنازعہ جموں و کشمیر دے منصفانہ اتے پرامن حل کیتے کشمیریاں دی سیاسی، سفارتی اتے اخلاقی حمایت جاری رکھیسی ۔ ترجمان دفتر خارجہ ممتاز زہرا بلوچ خمیس کوں اتھاں پریس بریفنگ اچ آکھیے 4 جون کوں جارحیت دا شکار معصوم ٻالاں دا عالمی ݙینھ منایا ڳئے ۔ انہاں آکھیے اے ݙینھ اساکوں کشمیری ٻالاں …
پاکستان اقوام متحدہ دی سلامتی کونسل دی قرارداداں موجب تنازعہ جموں و کشمیر دے منصفانہ اتے پرامن حل کیتے کشمیریاں دی سیاسی، سفارتی اتے اخلاقی حمایت جاری رکھیسی ، ترجمان دفتر خارجہ
مزید خبراں
اسلام آباد۔8جون(اے پی پی):پاکستان آکھیے او اقوام متحدہ دی سلامتی کونسل دیاں قرارداداں دے مطابق تنازعہ جموں و کشمیر دے منصفانہ اتے پرامن حل کیتے کشمیریاں دی سیاسی، سفارتی اتے اخلاقی حمایت جاری رکھیسی ۔ ترجمان دفتر خارجہ ممتاز زہرا بلوچ خمیس کوں اتھاں پریس بریفنگ اچ آکھیے 4 جون کوں جارحیت دا شکار معصوم ٻالاں دا عالمی ݙینھ منایا ڳئے ۔ انہاں آکھیے اے ݙینھ اساکوں کشمیری ٻالاں دی حالت زار دی یاد ݙویندے جیڑھا بھارتی افواج دے مسلسل محاصرے اتے وحشیانہ جبر دی وجہ توں مسلسل مشکلات دا شکار ہن ۔ ترجمان آکھیے کشمیری ٻالاں دی پوری نسل خوف، تشدد اتے جبر دے ماحول اچ پروان چڑھی اے، کشمیری یتیم ٻال معاشی مشکلات، تنہائی اتے نفسیاتی صدمے دا وی شکار ہن ۔ انہاں آکھیے بھارتی فورسز دی طرفوں پیلٹ، گولیاں اتے آنسو گیس دے گولیں توں ھک وݙی تعداد اچ طالب علم ٻال زخمی تھی ڳئن ، انہاں اچوں ٻہوں سارے اپݨی آکھیں دی دید ، مکمل یا جزوی طور تے ونڄا بیٹھن ، انہاں آکھیے اقوام متحدہ بھارت تے زور ݙتے جو او بالڑیاں دے تحفظ کیتے احتیاطی تدابیر اختیار کرے جنہاں اچ ٻالاں دے خلاف چھریں دا استعمال بند کرݨ وی شامل اے ۔
