خصوصی لوکاں دی ملازمتاں دے کوٹے تے عمل درآمد دی لوڑھ اے، صدر مملکت ڈاکٹر عارف علوی دی صدارت اجلاس

اسلام آباد۔8جون  (اے پی پی) صدر مملکت ڈاکٹر عارف علوی سرکاری اتے نجی شعبیاں اچ خصوصی لوکاں دی ملازمتاں دے کوٹے تے عملدرآمد دی لوڑھ تے زور ݙیندیں ہوئیں آکھیا جو ملازمتاں دے کوٹے دے نفاذ نال خصوصی لوکاں کوں مالی طور بااخیار ٻݨاوݨ اتے انہاں کوں قومی دھارے اچ شامل کرݨ اچ مدد ملسی۔ ملک دی تقریباً 12 توں 14 فیصد آبادی خصوصی لوکاں تے مشتمل اے۔ خصوصی لوکاں دی ہنرمندی، انہاں کیتے مختلف شعبیاں اچ ملازمتاں دے موقعیاں کیتے اقدامات کیتے ونڄن۔ ایوان صدر دے پریس ونگ موجب صدر مملکت ڈاکٹر عارف علوی دی صدارت خصوصی لوکاں دے حقوق تے فلاح بارے اجلاس خمیس کوں تھیا۔ اجلاس اچ گلگت بلتستان اتے آزاد جموں و کشمیر سودھے صوبائی اتے وفاقی وزارتاں دے اعلیٰ حکام شریک تھیے۔ اجلاس اچ نصاب دی تیاری ، تربیت، ملازمتاں دے کوٹے اتے مختلف شعبیاں اچ ملازمتاں دی فراہمی بارے اقدامات بارے وی ݙسیا۔ صدر مملکت ڈاکٹر عارف علوی کوں ݙتی ڳی بریفنگ اچ ݙسیا ڳیا جو نیوٹک تقریباً 1700 خصوصی لوکاں کوں مختلف مہارتاں نال آراستہ کر تے پروگرام شروع کیتے۔ نیوٹک زیر تربیت خصوصی لوکاں کوں مفت ٹرانسپورٹ اتے رہائش دی سہولتاں ݙیسی۔ وفاقی وزارت تعلیم اتے پیشہ ورانہ تربیت استادیں کیتے تربیتی ماڈیول ٻݨائے۔ وفاقی وزارت تعلیم 1000 استادیں کوں تربیت ݙیسی۔ صدر مملکت وزارت ِ انسانی حقوق ، وفاقی تعلیم اتے پیشہ ورانہ تربیت  اتے صوبائی محکمیاں ولوں استادیں اتے ماسٹر ٹرینرز کوں تربیت ݙیوݨ دی کوششاں دی تعریف کیتی۔