ایں مالی سال 23-2022 اچ صحت دے شعبہ تے جی ڈی پی دا 1.4فیصد خرچ کیتا ڳے، وفاقی وزیر خزانہ اسحاق ڈار

اسلام آباد۔8جون  (اے پی پی) ایں مالی سال 23-2022 اچ صحت دے شعبہ تے جی ڈی پی دا 1.4فیصد خرچ کیتا ڳے۔ خمیس کوں وفاقی وزیر خزانہ اسحاق ڈار پریس کانفرنس اچ جاری تھیے اقتصادی سروے اچ صحت دے شعبے بارے آکھیا جو مالی سال 2021 دے ہک فیصد دے مقابلے مالی سال 2022 وچال صحت دے شعبے تے جی ڈی پی دا 1.4فیصدخرچ کیتا ڳے۔ انہاں ݙسیا جو اڄوکے چھل پاروں صحت دے کئی مراکز اتے ہسپتالاں دا ٻہوں ضیان تھیے، حکومت متاثرہ صحت دے مراکز دی بھالی کیتے پرعزم اے، چھل دی تباہ کاریاں بارے رپورٹ موجب انہاں مراکز دی تعمیر کیتے 40294 ملین روپے یعنی 187.6 ملین ڈالرزچاہیدن۔ ایں مالی سال دی پہلی سہ ماہی اچ این ڈی ایم اے 20 لکھ 44 ہزار توں ودھ مچھر داݨیاں، 7300 ہائی جین کٹس ، 200 126 خوراک دے پیکٹس ، 18860 ابتدائی طبی امداد کیتے کٹس اتے ٻیا سامان بچاوݨ آلی 350 جیکٹس ڈتن۔