وزارت انفارمیشن ٹیکنالوجی دے ڈیجیٹل پاکستان متعلق سائبرسکیورٹی  منصوبے کیتے 54کروڑ 80لکھ روپے رکھئن

اسلام آباد۔9جون (اے پی پی) وفاقی حکومت آندے مالی سال 24-2023 کیتے سرکاری شعبہ دے ترقیاتی پروگرام اچ وزارت انفارمیشن ٹیکنالوجی دے ڈیجیٹل پاکستان متعلق سائبرسکیورٹی دے منصوبے کیتے 54کروڑ 80لکھ روپے مختص کیتن ۔ ایں منصوبے دا مقصد ڈیٹا چوری تے ٻئے حوالیں نال سکیورٹی کوں مستحکم بݨاوݨا اے ۔ اے منصوبہ ڈی ڈی ڈبلیو پی 31مارچ 2021 اچ منظورکیتا ہئی جیں دا مجموعی تخمینہ ھک ارب 92کروڑ 28لکھ 64ہزار روپے لاتا ڳیا ہئی ۔ حکومت اے منصوبہ اپݨے وسائل نال مکمل کریسی۔