وزارت انفارمیشن ٹیکنالوجی دے جاری منصوبے کیتے 15کروڑ روپے رکھیے ڳئن

اسلام آباد۔9جون(اے پی پی) وفاقی حکومت آندے مالی سال 24-2023 کیتے سرکاری شعبہ دے ترقیاتی پروگرام اچ 21جون 2022 کوں منظور کیتے ڳئے وزارت انفارمیشن ٹیکنالوجی دے  پہلے توں جاری منصوبے نالج اکانومی متعلق فاصلاتی تعلیم کیتے 15کروڑ روپے رکھئن ۔ ایں منصوبے توں نینگراں کوں جدید ٹیکنالوجیز، آئی ٹی اتے ٹیلی کام متعلق علوم دا حصول ممکن بݨاوݨ دے نال نال انہاں کوں پاکستان کیتے مفیدشہری بݨاوݨ دے اہداف حاصل کیتے ویسن تے او ھک خودمختار شہری دے طور اپݨے کیتے روزگار دے ذرائع تے انحصار کرݨ دے قابل ہوسن ۔