پی ایس ڈی پی دے تحت پاور ڈویژن دی جاری اتے نویاں سکیماں کیتے 107413.044 ملین روپے رکھئن

اسلام آباد۔9جون(اے پی پی) وفاقی حکومت آندے مالی سال 24-2023 دے وفاقی بجٹ اچ سرکاری شعبہ دے ترقیاتی  پروگرام (پی ایس ڈی پی)دے تحت پاور ڈویژن دی جاری اتے نویاں سکیماں کیتے مجموعی طور تے 107413.044 ملین روپے دے فنڈز مختص کرݨ دی تجویز ݙتی اے جیں اچ 25638.61 ملین روپے دی غیر ملکی معاونت وی شامل اے۔ بجٹ دستاویزات موجب پاور ڈویژن دے  30 جاری سکیماں کیتے مجموعی طور تے 66404.525 ملین روپے شامل ہن جیں اچوں 19826.613 ملین روپے غیر ملکی امداد شامل اے۔ جاری سکیماں اچوں بجلی دی ترسیل اچ بہتری کیتے پیسکو دی سکیم کیتے 1050 ملین روپے مختص کیتے ڳئن جیں اچوں 1000ملین روپے غیر ملکی امداد شامل اے جݙاں جو  سنٹرل ایشیا تے سائوتھ ایشیا ٹرانسمیشن انٹرکنکشن کاسا۔1000 جیڑھی جو تاجکستان اتے پاکستان وچال 500 کے وی ایچ وی ڈی سی ٹرانسمیشن سسٹم  کیتے مجموعی طور تے 16099.255 ملین روپے جیں اچوں 3513 ملین روپے غیر ملکی امداد شامل اے۔ ایویں 500 کے وی نارتھ لاہور کیتے مجموعی طور تے 3904.500 ملین روپے جیں اچوں تقریباً 960ملین روپے غیر ملکی  امداد شامل اے۔ این ٹی ڈی سی سسٹم دی ایکسٹیشن اتے گرڈ سٹیشنز کیتے 4965 ملین روپے مختص کیتے ڳئن جیں اچوں 1915 ملین روپے غیر ملکی امداد شامل اے۔