پی ایس ڈی پی دے تحت وزارت خزانہ دے  جاری اتے نویں منصوبیاں کیتے 3220 ملین روپے رکھیے ڳن

اسلام آباد۔9جون  (اے پی پی) حکومت نویں مالی سال 24 ۔ 2023 دے سالانہ ترقیاتی پروگرام (پی ایس ڈی پی ) دے تحت وزارت خزانہ دے مختلف جاری اتے نویں منصوبیاں کیتے 3220 ملین روپے دے فنڈز رکھیے ڳن۔ بجٹ دستاویز موجب وزارت خزانہ دے پہلے توں جاری اٹھ منصوبیاں کیتے 1970 ملین روپے جئیں اچ غیر ملکی تعاون کیتے 258 ملین روپے شامل ہن اتے ݙو نویں منصوبیاں اچ 1250 ملین روپے دی رقم رکھی ڳی اے۔پہلے توں جاری منصوبیاں اچ فیڈرل آڈٹ کمپلیکس جی ایٹ ون اسلام آباد دی تعمیر دے پی سی ون کیتے 194.049 ملین روپے، اسلام آبا د دے جی ٹین ون اچ مسابقتی کمیشن دے دفتر دی تعمیرکیتے 23.26 ملین روپے، عالمی بینک دے تعاون نال مالیاتی شمولیت انفرا سٹرکچر پراجیکٹ کیتے 258 ملین روپے، آڈٹ منیجمنٹ انفارمیشن سسٹم دے نفاذ دے منصوبہ کیتے 249.15 ملین روپے، وفاقی حکومت کے پی ایف ایم پالیسی فریم ورک کیتے 50 ملین روپے، پاکستان منٹ دے اپ گریڈیشن منصوبہ کیتے 887.54 ملین روپے، نیشنل سونگز کمپلیکس پی سی ٹو کیتے 8 ملین روپے اتے پاکستان آڈٹ اینڈاکاونٹس اکیڈیمی اسلام آباد پی سی ون کیتے 300 ملین روپے دے فنڈز رکھݨ دی تجویز ݙتی ڳی اے۔ وزارت خزانہ دے نویں منصوبیاں کیتے 1250 ملین روپے دے فنڈز رکھݨ دی تجویز اے، لاہوراچ آڈٹ ہائوس دی تعمیرکیتے 250 ملین روپے اتےوفاقی وصوبائی سطح تے آن لائن بلنگ دے نظام کیتے 1000 ملین روپے مختص کرݨ دی تجویز ݙتی ڳی اے۔