ملکی ترقی اتے خوشحالی دے پروگرام دے تحت وزارت انفارمیشن ٹیکنالوجی دے 30 جاری ،  ݙو نویں منصوبیاں کیتے چھی ارب روپے رکھیے ڳن

اسلام آباد۔9جون  (اے پی پی) حکومت پاکستان آئندے  مالی سال اچ ملکی ترقی اتے خوشحالی دے پروگرام دے تحت وزارت انفارمیشن ٹیکنالوجی دے 30 جاری اتے ݙو نویں ترقیاتی منصوبیاں کیتے چھی ارب روپے رکھین۔ انہاں منصوبیاں دے منظور تھیے تخمینہ 88 ارب35 کروڑ49 لکھ50 ہزار روپے لاتا ڳے جئیں کیتے 55ارب 74 کروڑ76 لکھ14 ہزار روپے دے غیر ملکی فنڈز وی خرچ تھیسن۔ سرکاری ترقیاتی پروگرام دے تحت حکومت نویں مالی سال 24 ۔ 2023 دے بجٹ اچ ڈیجیٹل پاکستان دی سائبر سکیورٹی دے جاری منصوبے پورے کرݨ کیتے مجموعی طور 54 کروڑ80 لکھ روپے خرچ کرݨ کیتے مختص کر ݙتن۔ اے منصوبہ مارچ 2021 اچ شروع کیتا ڳیا ہئی۔