ہوابازی ڈویژن دے 8جاری اتے 4  نویں منصوبیں کیتے مجموعی طور تے 5450  ملین روپے رکھئے ڳئن

اسلام آباد۔9جون(اے پی پی) وفاقی حکومت آندے مالی سال 24 ۔ 2023 دے سالانہ بجٹ اچ سرکاری شعبہ دے ترقیاتی پروگرام (پی  ایس ڈی پی)دے تحت ہوابازی ڈویژن دے 8جاری اتے چار نویں منصوبیں کیتے مجموعی طور تے 5450  ملین روپے رکھئن ۔جمعہ کوں جاری آندے مالی سال دے پی ایس ڈی پی  دی دستاویز موجب ہوا بازی ڈویژن دے 8جاری منصوبیں کیتے  بجٹ اچ 5340 ملین روپے جݙاں جو 4نویں منصوبیں کیتے 110 ملین روپے مختص کیتے ڳئن ۔ ہوا بازی دے 8جاری منصوبیں اچ اسلام آباد انٹر نیشنل ایئر پورٹ دے نیڑے کسانہ ڈیم توں آبپاشی نظام دی تعمیر ملتان اتے سکھر اچ موسم دی نگرانی دے ریڈار سسٹم دی تعمیر دے 2منصوبے نیو گوادر انٹر نیشنل ایئر پورٹ دا میگا منصوبہ ، اے ایس ایس اکیڈمی دی اپ گریڈیشن  ، اے ایس ایس اکیڈمی دے پی سی۔II منصوبے ، تربت ایئر پورٹ تے اے ایس ایس دی رہائشی عمارت دی تعمیر اتے ناران اتے بالا کوٹ اچ پیشہ ورانہ اتے انتظامی سہولتاں دی تعمیر دے منصوبے شامل ہن ۔ پی ایس ڈی پی موجب 8جاری منصوبیں گوادر انٹر نیشنل ایئر پورٹ دے میگا منصوبے کیتے 5 ہزار ملین روپے رکھئے ڳئن ایویں 4نویں منصوبیں اچ پنجگور ہوائی اݙے تے کواٹرگارڈ اتے ٻیا سہولتاں دی تعمیر ، فیصل آباد انٹر نیشنل ایئر پورٹ تے تریمت افسران دی رہائش گاہواں دی تعمیر ،گلگت ہوائی اݙے تے اے ایس ایس دی رہائشی عمارت دی تعمیر اتے مانسہرہ اچ  ہوائی اݙے دی تعمیر دے زمین دے خریداری دے منصوبے شامل ہن ، جنہاں کیتے مجموعی طور تے 110ملین روپے رکھئے ڳئن ۔